ЗА ИЗВИДНИЧКОТО ДВИЖЕЊЕ

          Извидништвото открива еден свет надвор од училниците, ја задоволува потребата за истражување, откривање и знаење. Извидниците го применуваат стекнатото знаење и го споделуваат со другите притоа помагајќи им на оние на кои има е потребна било каква помош. Тоа е начин на живот кој помага во правилниот физички, психички и духовен развој но и дава акцент на учеството на младите во градењето на општеството. Во програмата се вклучени активности на отворено како пешачење, излети, кампување, едукативни игри и натпревари, но и различни предавања, дебати и работилници. 

ЗА И.О. „ФЕНИКС“

Извидничкиот одред „Феникс“ активно дејствува од 16 Јануари 2015 година па се до денес и е иницијатива на млади лица кои што претходно го искусиле извидништвото и сакаа во својот град да има извиднички одред, знаејќи ги предностите што ги имаат извидниците. Моментално членуваат 50тина извидници кои што се поделени во три патроли според возрасната категорија и на чело на секоја од нив има Водач на патрола. Со извидничкиот одред, како здружение, управуваат Старешината на одредот и Началник.